Dikricher Kierchen

1) Wourëm geet et ?

D’Regierung huet d’Trennung vu Kierch a Staat beschloss. Virum Hannergrond vun enger multi-kultureller a multi-reliéiser Gesellschaft ass dat prinzipiell ze begréissen. 

1.1) Prinzipien

  1. All reliéis Gemeinschaften si gläich ze behandelen.
  2. De Staat däerf keen direkten Afloss op reliéis Gemeinschaften an hier Praktiken hunn.
  3. Reliéis Gemeinschaften däerfe keen direkten Afloss op de Staat, seng Servicer a seng Regelen hunn.
  4. De Staat muss de reliéise Gemeinschaften de fräien Exercice vun hierer Relioun garantéieren.
  5. All reliéis Gemeinschaft muss d’Verfassung respektéieren an di Lëtzebuerger Gesetzer anhalen.
  6. De Staat huet eng Kontrollpflicht vis-à-vis vun de reliése Gemeinschaften.

1.2) Gesetz

An enger éischter Etappe gin d’Relatiounen tëschent dem  Staat an der kathoulischer Kierch zu Lëtzebuerg duerch ee Gesetz geregelt.

Screen Shot 2017-01-12 at 01.17.33

1.3) Konkret

Froën déi musse gekläert ginn:

  1. Weem gehéieren de reliéis Gebaier?
  2. Wee bezillt den Ënnerhalt vun de reliéise Gebaier?
  3. Wat geschitt mat de Kierchefabriken?

2) Inventar vun den Dikricher Kierchen 

2.1)  Eglise décanale: Eglise Saint-Laurent, Kluuster [bp]

2.2) Vieille Eglise: Eglise Saint-Laurent, Al Dikrich [bp]

2.3) Morgue, Kierficht [bp]

2.4) Chapelle VANNERUS, Kierficht [bp]

2.5) Chapelle DE WAHA – LAEIS, Kierficht [bp]

2.6) Chapelle, Kockelbierg [bp]

2.7) Chapelle, Industriestrooss [bp]

2.8) Chapelle Saint-Martin, Härebierg, Caserne Grand-Duc Jean [cb]

3) Gesetzliche Kader 

D’Gesetz ass bis dato nach net gestëmmt. Dem Staatsrot säin Avis läit nach ëmmer nët vir.

4) Ausgangspositiounen 

4.1) Schäfferot

  1. Di Al Kierch gehéiert der Gemeng.
  2. D’Dekanatskierch geet an de Fong.

4.2) Kierchefabrik

  1. Di Al Kierch gehéiert der Kierchefabrik.
  2. D’Dekanatskierch gehéiert der Gemeng.
Screen Shot 2017-01-12 at 01.22.30

5) Diskussioun am Gemengerot (29.11.2016)

5.1) Propositioune vum Schäfferot

5.1.1) Al Kierch

  1. De Schäfferot behaapt di Al Kierch gehéiert der Gemeng.
  2. Dass de Schäfferot dat behaapt, hällt den Notaire Frank MOLITOR an engem “Acte déclaratif” fest.
Screen Shot 2017-01-12 at 01.27.36

5.1.2) Dekanatskierch

  1. Di renovéiert d’Dekanatskierch steet och an Zukunft fir Massen  an aner reliéis Handlungen zur Verfügung.
  2. Dem Projet de loi no gehéiert d’Dekanastkierch deemno an de Fong.

5.2) Positioun vun der CSV-Dikrich

Di Dikircher CSV ass folgender Meenung:

  1. Di Al Kierch an d’Dekanatskierch mussen och an Zukunft fir reliéis a kulturell Zwecker kënne genotzt ginn.
  2. Wann di dual Funktioun vun deenen  zwou Dikricher Kirche garantéiert ass, ass d’Fro vum Propriétaire zweetrangig.
  3. Prinzipiell ass d’CSV domat averstan,  dass d’Dekanatskierch bei de Fong geet an dass d’Gemeng Propriétaire vun där Aler Kierch gëtt.
Screen Shot 2017-01-16 at 00.33.00

5.3) Decisioun

5.3.1) Al Kierch

De Gemengerot huet décidéiert, di Al Kierch soll definitiv an de Besëtz vun der Gemeng iwwergoen. Di Al Kierch soll haaptsächlich fir kulturell Zwecker gebraucht ginn. Et kënnen awer och nach Massen an aner Gottesdéngschter an der Aler Kierch gehale ginn.

Screen Shot 2015-07-29 at 01.38.59

5.3.2) SEIFERT-Uergel an der Aler Kierch

D’SEIFERT-Uergel an der Aler Kierch gehéiert seit 2006 der Gemeng déi d’Assurancen an den Entretien ganz iwwerhëllt. Si gëtt vum Conservatoire de Musique du Nord benotzt a steet fir Concerten a reléis Déngschter zur Verfügung.

Arrangement Vieille Eglise pour Séance académique

5.3.3) Dekanatskierch

De Gemengerot huet décidéiert, d’Dekanatskierch soll definitiv an de Fong goen. De Fong soll an Zukunft d’Gidder an d’Funktioune vun de Kierchefabriken iwwerhuelen. D’Dekanatskierch soll haaptsächlich fir reliéis Zwecker gebraucht ginn. Et kënnen awer och nach Concerten an aner kulturell Evenementer an der Dekanatskierch organiséiert ginn.

Dk E1 Eglise décanale 200 Extérieur - 2013-06-22 @ 15-03-07_Screen Shot 2016-01-23 at 17.06.03

5.3.4) THOMAS-Uergel

De Gemengerot huet eestëmmig beschloss, dass di nei THOMAS-Uergel an der Dekanatskierch der Gemeng soll gehéieren. An Zukunft sinn dann d’Assurance an den Ënnerhalt vun där neier Uergel à charge vun der Gemeng.  Si steet fir reléis Déngschter a  Concerten zur Verfügung a ka vum Conservatoire de Musique du Nord benotzt ginn. Dat kann awer nëmmen den aktuelle Propriétaire vun där neier Uergel, den Uergelbauveräin Dikrich entgültig entscheeden.

recital-chant-orgue-trompette-2-2016-10-30-18-14-10

5.3.5) Aner Kierchen a Kapellen

Di aner Dikricher Kierchen a Kapellen (d’VANNERUS-Kapell, d’DE WAHA-LAEIS-Kapell an d’Morgue um Kierficht, d’Kapellen an der Industriestrooss an am Kockelbierg, d’Kapell um Härebierg) gehéieren der Gemeng, dem Staat oder sinn a Privatbesëtz a sin nët vun dem “Projet de Loi N° 7037 portant sur la gestion des édifices religieux et autres biens relevant du culte catholique” betraff.

 

CSV-DIKRICH_2013 300dpi

 

Hannerloosst eng Äntwert

Dir musst ugemellt sinn fir e Commentaire ze schreiwen.